Caracas. Primus Minister Maduro die suffragii postero potentiam suam in natione omni firmavit. Nam, Consilium Constitutionis a Ministro delectum "contra Legationem Popularem, Procuratorem Generalem, principes mihi adversarii et diurnarios infensos operaturum est", ut ille Minister Maduro hodie declaravit. Praeterea, de exitibus electionis omnino veridicis non certiores facti sumus. Enim, ipse Minister Maduro et princeps suffragii nationis Tibisay Lucena hoc eventum dedit: "XLI ex centum hominum suffragium protulit. Ita, VIII decena centena milia ad electiones coierunt." At ipse legatus popularis, qui contra Ministrum Maduro se conlocat, Henry Ramos Allup "tantum II centena milia hominum electum adierunt" praedixit. Interim, administratio Civitatum Coniunctarum Americae in Ministrum Maduro multationes peregit, sicut de rebus horum dierum "periculum dictaturae perpetuae in Venetiola inventum est." Scripsit Andreas Novocomensis
|
