Corea Septentrionalis. Dictator Boreocoreanus Kim Jong-Un superiore nocte novum experimentum nucleare perduxit. Ipse Dictator ballistam nucleari vi pulsam in Americae Septentrionem conicere iussit. Falarica ipsa MMMDCC chilometra proceritatis profecta est. Sed non Americanam terram attigit: nam ipsum missile in aquas Iaponicas cecidit. Ipse Dictator Kim Jong-Un, sicut Praeses Americanus Donaldus Trump, pyrobolon agrum Civitatum Coniunctarum Americanarum contingere potuisse consentiunt. Ipse Praeses Americanus Trump priores multationes contra Boreocoream corroborat, Coreamque Septentrionalem detinere Sinae officium esse repetivit. Interim, Corea Meridionalis et Civitates Coniunctae Americae novam exercitationem militiarum communem apparant. Scripsit Andreas Novocomensis
|
