Annus
2 0 1 7


Francogallia. Pridie Idus Iulias. Hic dies memoriae impetus contra carcerem Regium Bastilianum anno MDCCLXXXIX. Initium Rebus Novis Francogallicis in hoc die datum est. Sed hac in celebratione constituta die currus onerarius, a jihadista Mohamed Lahouaijej-Bouhlel, XXXI annos natus, perductum, magnam caedem perpetravit. Ipse jihadista contra multitudinem, ludos flammarum caelestes adspicientem, vehiculum permovit. Interfectorum ratio maxima: LXXXVI, sicut vulneratorum: CCCVII. Praeterea, ipse terrorista interemptor periit. Singulum post annum facinus saevissimum Praeses Emmanuel Macron, hodie cum Praeside Americano Donaldo Trump conventus, in quo die Civitates Coniunctae in Primo Bello Orbis partem ceperunt, meminit. Societatem inter nationes Praeses Macron in contione sua expressit, ipso in die sceleris anni superioris. Hoc anno hisque diebus Civitas Islamica maximas clades subiit, sed non victa, velut jihadista Terrorem.

Scripsit Andreas Novocomensis



Retro ad:

Novissima editio
Summum paginae