MAGNA IRRUPTIO MIGRANTIUM IN ITALIAM

Cotidie multa milia desperatorum in portus Italicos appellunt

Non intermittuntur adventus navium ab Africa venentium in portus Italiae Meridionalis. Res gravissima: administratio Italiae minata est in portus interclusuram ingressu navigia onusta migrantium, cum interim tot municipia reclamant se non posse hospitio novos peregrinos accipere. Nuper consilium captum est deprehendendi naviculas exleges societatum voluntariorum (ONG) simulque Europa incitatur ut auxilium praebeat: adhuc verba, non res. Praeses Macron iam praenuntiavit Francolliam non accepturam nisi petentes asylum, non peregrinantes inopia impulsos. Die VI et VII Iulii congressus futurus in capite Estoniae, quae civitas praeses consilii Europae sex menses destinata est; tamen Minister negotiis domesticis praepositus Andres Anvelt “Italia responsum non habebit” inquit “ sed auscultabitur”.

Aliqua consilia elaborabuntur Kalendis Iulii in conventu Parisino inter Ministros negotiis domesticis praepositos Italiae, Francogalliae, Germaniae. Interea legata Unionis Europaeae Federica Mogherini, Praeses Juncker et curator Avramopoulos nonnulla moliuntur ut auxilia dentur pro hospitio, Libyae et Africae pro custodia finium; naves societatis “Frontex” appellentur non solum in Italiam, sed etiam in Hispaniam, Lusitaniam, Francogalliam, Belgium Germaniam, Bataviam; sed “Frontex” decimas partes ex centum migrantium servat…

Scripsit Lydia Ariminensis