Britannia. Ut heri conscripsimus, Brixitus hodie initium habet. Epistulam obsignatam a Primo Ministro Theresa May ad exitum Europaeum incipiendum Bruxellas admisit. Praeses Britannicus hodie in Consilio Communium (House of Commons) contionem habuit: "Britanniam fortiorem instruemus! Momentum hoc historicum, quo non retrorsus reverti licet. Britannia Europaeam Unionem linquit: nostras leges praescribemus. Confidere Britanniae exoptavi." Sed Minister May hodie confirmavit: "Iura operariorum UE tutabimur. Hoc nobis summum." Postea Praeses Britannicus concessit: "Officium arduum esse scimus. Sed futurum mirum nuntiamus." Verisimile Scotiam secessionis referendum indicturam esse putatur. Scripsit Andreas Novocomensis
|
