Annus
2 0 0 9


01 Marmite

MIRACULA IN VITA NOSTRA COTIDIANA

Salvator in operculo!

Multi nostrum salvationem sui post mortem exspectant, nonnullis tamen miracula iam tempore vitae mundanae inspicere licet. Ecce 36 annos nata incola urbis Ystrad Cymbricae vallis Rhondda, Clara (Claire) Allen, imaginem faciei Iesus invenit in operculo pyxidis plasticeae liquaminis "Marmite", id est marmelatae e faece factae. Miraculum evenit tempore, cum familia ientaculum modo comesura erat. Clara liquamine illinere voluit panem tostum filio sui praebendum, cum statim imaginem in reversa parte operculi conspexit. Ut ait maritus eius, 37 annos natus Gareth: "Oculis meis vix crediderim! Pueri totum liquamen comederunt, nos autem operculum servavimus intactum".

Hanc autem imaginem faciei Salvatoris in caudice arbusculae spinae albae repperit Indus (qui non est tamen assecla fidei Hinduisticae) Sewdutt Maunick, incola oppidi Burgess Hill Anglici comitatus Sussex Orientalis. Res evenit, cum operabatur Maunick in domi suae horto atque subito faciem hominis sibi inspicientis invenit in saepe viva horti. Ipse nescivit faciem Redemptoris esse, eius autem uxor originis Chrisitanae, statim in locum hunc clamore mariti invocata, omnino de hac re non dubitabat. Eiusdem sententiae erat sacerdos femina evangelicae ecclesiae, Elaine Thomas, quam mox in hortum sui ambo adduxerunt, quae antistes imaginem monstrare faciem Iesus confirmavit.

In Chicagia autem urbe US-Americanorum commeatus automobilium consistere coactus est postquam in cuniculo quodam viario in pariete apparuerat macula aquae, in qua multi cognoverunt imaginem faciei Beatae Virginis Mariae:

 

Scripsit



Retro ad:

Novissima editio
Summum paginae