... esse sine dubio Ugland House
in via Ecclesiae Meridionalis (South Church Street)
urbis capitalis Insularum Caimanianarum, Georgiopoli (Georgetown).
Quae domus contineat 18.857 negotiationes, in quorum numero tales
maxime in orbe terrarum notae ut Coca-Cola, Procter
& Gamble, Intel, FedEx, aut saltem
officia harum regionalia. Quomodo id fieri potest? Simpliciter.
Insulae Caimanianae paradisus vectigalis sunt, terra scilicet,
ubi vectigalia solvenda sunt minima. Satis esse hic negotiationem
de iure condere, aut iam conditam in tabulas Caimanianas
referre, ut e luctu internationaliter accepto vectigalia minima
tali negotiationi sint in his insulis solvenda. Qua re, secundum
praesidentem Barack Obama, regimen civesque USA uno quoque anno
miliarda dolariorum amittunt, nam haec pecunia aliter fisco US-Americano
esset solutura. Omnino in paradisis vectigalibus - quorum praeter
a Britannis administratas Caimanas maxime famosae sunt vicinae
Insulae Virgineae - peregre in tabulis referri putantur 700
miliarda dolariorum societatum commercialium US-Americanarum.
Charles Jennings e cancellaria iuridica Maples and Calder,
quae societas sola sua officia in aedibus Ugland House
re vera (id est corporaliter) possidet atque aliis negotiatoribus
adiuvat in divitias eorum in Caimanas movendas, respondet summo
ductori Americano sese nullas technas in negotiis adhibere
ullique homini licere sua vectigalia talis in locis solvere, ubi
lege sui patriae id facere sinantur. Ex quo pateat societates
internationales globalesve - etiam has, quae ex USA oriuntur -
posse vectigalia solvere in Insulis Caimanianis.
... esse sine dubio Ugland House
in via Ecclesiae Meridionalis (South Church Street)
urbis capitalis Insularum Caimanianarum, Georgiopoli (Georgetown).
Quae domus contineat 18.857 negotiationes, in quorum numero tales
maxime in orbe terrarum notae ut Coca-Cola, Procter
& Gamble, Intel, FedEx, aut saltem
officia harum regionalia. Quomodo id fieri potest? Simpliciter.
Insulae Caimanianae paradisus vectigalis sunt, terra scilicet,
ubi vectigalia solvenda sunt minima. Satis esse hic negotiationem
de iure condere, aut iam conditam in tabulas Caimanianas
referre, ut e luctu internationaliter accepto vectigalia minima
tali negotiationi sint in his insulis solvenda. Qua re, secundum
praesidentem Barack Obama, regimen civesque USA uno quoque anno
miliarda dolariorum amittunt, nam haec pecunia aliter fisco US-Americano
esset solutura. Omnino in paradisis vectigalibus - quorum praeter
a Britannis administratas Caimanas maxime famosae sunt vicinae
Insulae Virgineae - peregre in tabulis referri putantur 700
miliarda dolariorum societatum commercialium US-Americanarum.
