MAXIME CARAE FIUNT IN ARABIA SAUDIANA MACHINAE SUTORUM

Bulla sutoria?

Biocolytae Saudienses nuntiant se investigare causas citissimi incrementi pretiorium veterum machinarum sutoriarum - ut haec, in photographemate, facta a maxime olim apud populum grata fabricatrice, negotiatione Singer - quae venum nunc eant etiam pretio quinquaginta milium (50.000) dolariorum Americanorum.

Quid fit? Insania pura? Machinae hae vix alicui usui esse possunt praeter suturam. Causam "bullae" (nam tali nomine linguis hodiernis nuncupantur inexplicabilia incrementa pretiorum, ut praeterito anno pretia petrolei) hoc in casu verisimiliter esse rumores machinas Singerianas continere particulas 'hydrargyri rubri', quae substantia adhuc imprimis in mentibus nonnullorum phantastarum exstat, creditur nihilominus a multis adesse atque idoneam esse ad... arma nuclearia fabricanda. In opppido Dhulum latrones in sutrinam quandam irruperunt, ut nonnullas machinas abinde furarent.

In mentem venit exemplum machaerae Hispanicae (machete), cuius pretium duplum factum esse olim spatio brevissimi temporis ante comitia in Zairia habenda. Ut explanaverunt tamen diurnarii agenturae Reuterianae, res tunc nullo modo ad "bullam" spectabat, sed omnino explanari potuit pura ratione oeconomica: tempore antecomitiali desiderium machaerarum, quibus uti in disputationibus inter fautores factionum adversarum necesse erat, naturaliter crevit. Quis tamen non est casus hodie machinarum sutoriarum. Nisi certe hydrargyrum rubrum contra opiniones scientificos re vera exstet atque sui emptores magnam pecuniam offerentes sine difficultate inveniat.

Sed fortasse res non tam peius se habeant etiam tali in casu. Praeter enim arma nuclearia fabricanda argentum vivum rubrum ahibendum esse ad malas umbras malave spectra expellenda necnon gazas in terra latentes inveniendas.

Scripsit