Caput Batavorum in numerum iucundissimarum Europae urbium
refertur. Nomen ex aggere (dam) fluminis Amstelis ortum
est, quod arte facto delta per urbem ad mare defluit: quapropter
instar theatri canales et insulae alternis vicibus concham
aquilonem spectantem constituunt. Ibi non motus
et frequentia mediterranea, sed gravitas et quies borealis
imperant; ibi officinam cibariam visitare possis, cuius sub
tegulis vixit cum familia et amicis suis Anna Frank puella
Iudaica mortem aliquandiu effugiens, praeclari diarii infelix
auctrix. Etiam in antiquo Regio Musaeo (Rijksmuseum)
Depressarum Terrarum nobilitatem et severitatem admiraberis:
Francisci Hals, Rembrandi, Johannis Vermeer tabulae pictae te de
colorum suavitate, imaginum venustate, animi motibus antiquorum
Batavorum propriis edocebunt. Animus tamen fortius
emovebitur ante infelicis Vincenti Van Gogh opera, unde etiam
nunc viri aegritudo et perturbatio promanat: aspice silens
"Pomorum terrestrium esores", "Cubiculum",
"Irides" et cum pictoris angustiis communica!
Ibi non motus
et frequentia mediterranea, sed gravitas et quies borealis
imperant; ibi officinam cibariam visitare possis, cuius sub
tegulis vixit cum familia et amicis suis Anna Frank puella
Iudaica mortem aliquandiu effugiens, praeclari diarii infelix
auctrix. Etiam in antiquo Regio Musaeo (Rijksmuseum)
Depressarum Terrarum nobilitatem et severitatem admiraberis:
Francisci Hals, Rembrandi, Johannis Vermeer tabulae pictae te de
colorum suavitate, imaginum venustate, animi motibus antiquorum
Batavorum propriis edocebunt. 
Animus tamen fortius
emovebitur ante infelicis Vincenti Van Gogh opera, unde etiam
nunc viri aegritudo et perturbatio promanat: aspice silens
"Pomorum terrestrium esores", "Cubiculum",
"Irides" et cum pictoris angustiis communica!
