BIOCOLYTAE IMMIGRATORES PER DOMOS QUAERENT?

Natalis albus Foederis Septentrionalis

Coccalio (vulgo Coccaglio) in urbe provinciae Italicae Bresciae adsessor factionis Foederis Septentrionalis Claudius Abbiendus modo aperuit persecutionem immigratorum, re appellata “White Christmas” (Natalis albus).

Hic titulus electus est, quoniam haec actio terminatura est Die Natali Iesu Christi huius anni, sed simul offensam in se latentem portat contra immigratores nigros. Itaque usque ad diem XXV Decembris, Coccalio in urbe omnes immigratores clandestini qui scilicet hic sine permissione vivunt, expulsandi sunt a civitate, quia sic vult haec nova ratio magistratuum.

Hodie Coccalio habitant circa MCL immigratores provenienties e lociis extra Unionem Europeam. Praefectus urbis nomine Clarettus sic dixit: ”Volumus purgare nostram civitatem”. Primus dux factionis Foederis Septentrionalis, Umbertus Bossi, declaravit magistratus simpliciter lege uti sunt, etiamsi non necesse erat appellare hanc actionem “White Christmas”.

Difficile est invenire inter viros politicos Foederis Septentrionalis aliquos, qui loqui velint de hac re. Libenter autem de “Natali albo” loquuntur cives Coccalienses. In taberna appellata “Il caffé dei Kosovari” (Taberna Kosovarorum) , qui locus dilectus est immigratoribus, tabernarius Andrea ait se invenire hanc actionem foedam, pracipue causa rationis, qua magistratus utuntur: mittunt enim epistulas ad domus immigratorum et, si responsa non recipiunt, mittunt ad eas inspectores ad verificandum, utrum intus non sint immigratores clandestini. Ille etiam dixit hoc quasi simile esse videtur rationibus temporis fascismi et nacismi.

Iudicia contraria huic proposito etiamque advenerunt a sacerdotibus Ecclesiae Catholicae Italicae.

Scripsit Iacobus Andreuccius