Vino Campaniensi lavatus laudatusque. Tali modo gaudent collegae Jimmy Rollins manus pilae basicae Philadelphianorum (Philadelphia Phillies) postquam triumphassent super Accursores Angelopolitanos (Los Angeles Dodgers) effectu10-4.

Pes contra faciem! Italus pedilusor Alberto Gilardino manus ACF Fiorentina et Hungarus Laszlo Bodnar gregis VSC Debrecen variis corporis partibus de possesione pilae certant.

Saltabimus? Brasilianus Kaka Regalium Matritensium (Real Madrid) una cum Alvaro Arbeloa saltant tempore ludi exercitatorii ante pugnam contra Athletas Mediolanenses (AC Milan).

Button vincit, Button regnat... Quintus ad metam Urbis Sancti Pauli (Sao Paulo) Brasilianorum veniens Jenson Button Britannus cepit hornotinum titulum campionis mundi cursurae bolidum Formulae Primae.

In glaream casus. Autobirotarius Britannus Scott Redding in media glarea iacens curriculum praeparativum finivit ad certamen Pretii Grandis Australianum autobirotarum motri capacitate 125 centimetrorum cubicorum. Pol Espargaro Hipanus primus ad metam venit.

Frustratio. Ita Gael Monfils tenislusor Gallus desperat quod punctum amisisset ludendo contra Australianum Lleyton Hewitt tempore Shanghaiensis certaminis ATP Masters 1000.

Scripsit Stanislaus Varsoviensis iconoclastes.blog.onet.pl