Simulacrum belli ludunt milites Rutheni (Belarussi) ad urbem capitalem Minsciam una cum sociis suis Russis.

Histriones histricesque sacrum ignem accendunt in templo Herae Olympiae Graecorum, qui ignis ferendus est usque urbem Canadianam Vancouver, ubi olympia hiemalia anni 2010 sunt habenda.

Se ad festum Halloween praeparans aetate trium mensium leo Asianus Gabriel cucurbitam comedit in therotropheo Londinensi.

Tali modo, propter ventum typhonicum, portantur arcae funebres in urbe capitali Philippinorum, Manila.

Talis mox fiet verisimiliter urbs maxima Sinarum Shanghai - ita saltem sperant architecti Sinenses.

Arte antiquae gentis insularum Balearium, id est funda lapides mittere, hodie peritissimi videntur iuvenes, qui reclamitant summitati Internationalis Fundi Monetalis (IMF) Constantinopoli.

Indi, qui disciplinam iogicam sive gymnosophisticam invenerunt, hodie summam artem acrobaticam etiam helicopteris petere conantur!

Scripsit Stanislaus Varsoviensis