01Shepherd Dennis Birchall,
![](../admin/rubricae/files/bbc12versna03.jpg)
Helianthi inveniuntur in agris Afganae provinciae Pactica, ubi
olim papaver crebruit, ad cocainum extrahendum idoneum. Praeter
helianthos inspiciendi saepe sunt hic milites US-Americani, in
vicino districto Zerok nuper acriter pugnantes contra
rebellatores motus islamistici Taleban.
![](../admin/rubricae/files/bbc12versna03bis.jpg)
At tali modo, candelis sub Iove accensis, celebrat suum 34.
diem natalem miles Germanus cum collegis circumeundo colles ad
urbem Feyzabad, ubi quoque Talebani milites foederis NATO
ignivomiter saepe adoriuntur.
![](../admin/rubricae/files/bbc12versna04.jpg)
Vas Sinense vetustissimum venum iturum putatur saltem 42
milionibus dolariorum Hongkongenisum domi huius urbis auctionaria
Sotheby.
![](../admin/rubricae/files/bbc12versna04bis.jpg)
Hoc autem pittacium postale eiusdem Portus Odorati, nam id
significat nomen Honkong, emptum est 250.000 HK$.
![](../admin/rubricae/files/bbc12versna05.jpg)
Operarius therotrophei Sydneiensis in sinu tenet bilby
sive macrotem, quod animal marsupiale peritissimus est fossor
cuniculorum. Quod nihilominus non protegit macrotem a variis
inimicis, quibus factum est, ut periculum exstinctionis huic
generi immineat.
![](../admin/rubricae/files/bbc12versna06.jpg)
Turba mulierum Palaestinarum exspectant donec vigiles
Israeliani sinent iis murum limitalem inter Ripam Occidentalem et
Israeliam transire, ut precibus diei Veneris in meschita
Hierosolymitana Al Aqsa adsint.
![](../admin/rubricae/files/bbc12versna07.jpg)
Ex helicoptero recte undas Danubianas petit intrepidus
urinator Hungarus tempore simulacrorum belli, quibus aderant
milites nonnullarum terrarum sociarum Foederis Atlantici (NATO).
![](../admin/rubricae/files/bbc12versna08.jpg)
Cives Pachistani fugientes bellum militum regiminis cum
Talebanis in regione montana Khyber adveniunt una cum re sua
familiari in urbem Peshawar.
Scripsit Stanislaus Varsoviensis
|