Nonus Septembri (9 IX) lingua Sinica sonat similiter ut verbum 'sempiternus', hunc ergo diem permulti Sinenses ad nuptias celebrandas eligunt.

Elluvies ingens percussit Ikitelli, quae est regio suburbana Constantinopolis. Multi incolae in tectis laophororum sedentes auxilium exspectabant.

Puella quaedam inspicit picturam sancti Iohannis Evangelistae pictam ab artifice Italiano Domenico Zampieri. Picturam venditum iri pretio (secundum aestimationes peritorum) circiter decem milionum librarum Britannicarum in auctione mense Decembri habenda.

Amatores paravelivolatus Indonesiani novum culmen mundanum constituerunt, toto suorum grege in aere super insula Bali manentes spatio temporis novem horarum novemque minutarum.

Navigatione longa periculosissimaque ex Africa peracta, immigratores illegales dormiunt in portu Los Abrigos insulae Tenerife, quae pertinet ad Hispanorum Insulas Canarias (notas etiam nomine Fortunatarum).

Pueri puellaeque scholae urbis Indorum Madras culmen novum nationale constituere conanntur corpora secundum regulas disciplinae iogicae una exercendo tempore 180 minutarum.

Simiola dormit in collo sui possessoris, cum hic ambulat in foro urbis Allahabad.

Narrator fabularum Rashid al-Halak animas audientium in se advertere conatur in taberia cafearia Damasci Syrorum.

Scripsit Stanislaus Varsoviensis