Quales varias res percutimus interdum cacumine capitis? Ecce Mike Simms, cui munus apud Museum Ulsteriensem (Hiberniae Septentrionalis) casu in sceleton Edmontosauri incidit.

Hae non sunt verae testudines marinae. Sunt ficticiae et ponuntur in ora maris prope Hagam Comitum (in Batavia). At animam peregrinatorum attrahere sperantur, ne porro ab iis in tabernis emantur bulgae aliaeque res e pelle aut aliis partibus corporis animalium in feris habitantium factae.

Mancunii Anglorum (vulgo Manchester), hamaxarum vaporariarum amator Pete Waterman vehitur hamaxa nomine Great Garrett commemorans centum annum abhinc primum hae machinae fabricatae sunt.

Festum Janmashtami (natalem dei Krishnae) celebrantes Indi serto ornant caputa vaccae in templo ad Watford Britannorum.

Pueri Somalenses currunt inter aciem militum regiminis et rebellatorum Islamistarum qui invicem pugnant in urbe capitali Mogadishu.

Missile ferens 48. (et iam ultimum) satellitem Systematis Positionis Globalis (GPS) ab US exercitu aerio instructi (US Air Force Delta II GPS) aethera petit e promunturio Canaverali civitatis Floridae.

Prohibitione fumandi valde indignantur nicotianorum fumatores Turci. Cui interdicto reclamitant quoque, ut hic in platea centrai Ancyrae, caupones querentes se multo minus lucri nunc, prohibitione fumandi valente, facere.

Scripsit ANL