INVESTIGATIO DOLARIORUM USUM NARCOTICORUM PRODIT

Vasintonia maxime cocainae prona

95 centesimas dolariorum, qui in Dictrico Columbiano (regione scilicet circa urbem Vasintoniam) in usu sunt, vestigia habent cocainae - patet ex inventigatione peracta a studiosis Universitetis Massachusettsianae urbis Dartmouth (duce doctore Zuo Yuegang), qui chartas nummarias dolariiorum e plus quam triginta principalibus metropoliis USA, Canadae, Brasiliae, Sinarum et Iaponiae venientia perscrutati sunt. Ante duos annos, cum primum investigatio similis peracta erat, "tantum" 75% dolariorum in regione Vasintoniana vestigiis narcotici contaminabantur. Hoc invento adducti sunt studiosi Darthouthienses ad conclusionem incolas Districi Columbiani fortasse magis magisque cocaina nunc utuntur propter difficultates vitae temporis crisis oeconomicae.

Scrutatio nummorum chartaceorum, ut vestigia cocainae inveniantur, optima methodus putatur ad aestimandum verum usum huius narcotici, nam venditores emptoresque eius tantum pecunia praesente utuntur (nullis sine dubio chartulis creditoriis plasticeis adhibitis), quam digitibus enumerantes vestigiis cocainae nummichartas spurcant.

Post Vasintoniam, maximum usum cocainae in USA monstrant dolaria reperta in urbibus Baltimore, Boston et Detroit. Minima pars contaminatorum nummorum e triginta urbibus inventa est Pecchini Sinarum, ubi 12 centesimae dolariorum vestigia cocainae tenent. In USA autem minime dolaria cocainam redolent in Urbe Lacus Salsi (Salt Lake City), ubi magna e parte Mormones habitant piam vitam agentes.

Scripsit ANL