In stadio urbis Hispalis (Sevilla) pedifollistae manus Anglicae Aston Villa celebrant capturam a se, Iuventute Taurinensi in certamine finali superata, hornotini Scyphi Pacis.

Natatrix Britanna Gemma Spofforth novum culmen mundanum constituit supine distantia centum metrorum natandi.

Pilam ministrat tenilusor femina US-Americana Serena Williams, una cum sorore, Venere Williams, ludentes contra par Yi Chen et Mashona Washington in agone urbis Californianae Stanford.

Victoria ictibus poenariis super manum Orae Divitis (Costa Rica) gaudent pedilusores Mexicani: ianitor Guillermo Ochoa ac petitores Giovani Dos Santos et Carlos Vela.

Acerrime de possessione pilae certant Didier Drogba Anglus Chelseanus atque Nicolas Burdisso et Esteban Cambiasso manus Mediolanensis Inter tempore agonis Rose Bowl habiti Pasadenae Californensium.

75 annos expectaverunt fautores Anglorum ut in stadio Londinensi pilae criceticae Lord's lusores Albionis superarent Australianos. Ecce unus Anglorum, Andrew Flintoff (in medio photographema) manus in caelum emittit victoria gaudens, pila Australiani Nathan Hauritz a se in fine agonis victa.

Currus electrici vehunt pilamalleatores US-Americanos Tom Watson et Stewart Cink in primam foveam extraneam agonis finalis 138. certaminis annuali in pratis ad Caledonicum oppidum Ayrshire. Triumphavit Cink sex ictibus ludi additionalis.

Athleta Canadianus Eric Sehn mirissimo aerio itinere in aquam decidit stadii Romanae Nuoto.

Scripsit ANL