Papa buddhisticus Tibetanus Dalai Lama suos fideles salutat visitans Helveticam urbem Lausanium.

Una maximarum in mundo castrorum profugorum sita sunt in Kenia ad limitem Somaliae, unde advenerunt huc circiter 270 milia hominum, ter tantum quam spectabant castrorum erectores.

Phoce, quae nata est in therotropheo in Germania, lectionibus natandi bene peractis, vehitur in corbe ad litus maris, ubi vitam liberam in undis incipiet.

Quattuor milia hominum domus suas relinquere coacti sunt propter incendia, quae vastant La Palma, principem Insularum Canariarum (sive Fortunatarum).

USAe olim praesidens Bill Clinton inopinate Coream Borealem visitavi, ubi ductorem communistarum, Kim Jong-il, convenit...

...ut hunc cogeret ad liberandas duas diurnarias US-Americanas (gente Coreana), quae a nonnullis mensibus in Corea Septentrionali propter suspicationem speculationis in vinculis tenebantur.

In lacu Sibiriaco natabat olim praesidens hodie minister primarius Russorum Vladimirus Putin, rarissime tantum a diurnariis relictus.

Longitudine 30 metrorum bixylon (biscapha) manus athleticae Alinghi, quae praeterito anno in certamine America's Cup triumphavit, helicoptero suspensus vehitur supra summos montes Alpes in portum Genuensem.

Scripsit ANL