Ivan Lesenko, 74 annorum emeritus regionis Sibiriacae Ussuriisk, una cum uxore, Lubov, tenent in horto sui undecim ursos Imaeos.

Folia plantae nicotianae colligit mulier incola vici Komuniga in Bulgaria. Quas plantas colit imprimis gens Turcica, quae fere decimam partem incolarum Bulgariae constituit.

Facie instar tigridis Bengalensis picta conatur puella Inda animos suorum attrahere ad rationes has bestias melius tueri.

Incolae urbis capitalis Bangladesae, Dhaka, ad labores cottidianos properant, licet urbs illa illuvie afflicta sit.

Nauta classis Germanae vale dicit puellae antequam proficiscatur in oras Somaliae, ubi Germani, una cum militibus aliorum nationum occidentalium contra piratas pugnant.

Venditor habitaculorum quidam Britannus dedit operariis suis birotas vi elecrica utentes, ne nimia copia carbonei dioxydati in aera emittatur.

"Abi domum, papa Moscoviensis!" - ita clamans fautor ecclesiae orthodoxae Ucrainiensis reclamitat contra visitanem urbem Kieviam ductorem ecclesiae Russicae, patriarcham Cyrylum.

Palaestini carpunt uvas in loco Laciniae Gazeticae, ubi usque annum 2005 erat vicus Iudaeorum.

In ordine stant candidati ad munus vigilum publicorum civitatis Indicae Uttar Pradesh.

Ignota adhuc causa combusta est navis, quam Batavi in navalibus Den Helder struxerunt instar navis vexilliferae classis, quae saeculo XVII navigare solebat inter Bataviam et Indiam Orientalem (hodiernam Indonesiam).

Mala Persica in viam ad Perpignan ducentem iaciunt agricolae Francogalli, hoc modo a regimine impetrare conantes ut lex feratur iuxta quam mercatores magnarii debeant poma aliosque cibos imprimis ab agricolis Gallicis emere. Mercatores enim malunt minore pretio fructus peregre emere.

Non debes vero toechobates fieri, ut per aera ambules! Satis esse hortum Tarzanianum in Slovaquia ingredi, ubi multae viae aeriae peregrinatoribus patent.

Scripsit ANL