Defectio Solis Asiana
Defectio Solis Asiana
![](../admin/rubricae/files/defectioSolis01.jpg)
Usque sex et porro minutas durabat hodierna (die scilicet
Mercurii) defectio Solis.
![](../admin/rubricae/files/defectioSolis04.jpg)
Usque tale enim tempus defecit stella nostra oculis eam
aspicere conantium incolarum Indiae, Nepaliae, Sinarum, Coreae,
Iaponiae partis ad meridiem versae atque insularum Kiribati.
![](../admin/rubricae/files/defectioSolis02.jpg)
Defecit, nisi certe oculi spectantium armati essent
perspicillis umbraticis:
![](../admin/rubricae/files/defectioSolis03.jpg)
Quod erat longissimum Solis deliquium totius vicesimi primi
saeculi. At non omnes ausi sunt Solem etiam perspicillis
instructi conspicere; in India e.g. creditur id nocivum esse
posse mulieribus gravidis fetibusque earum. In sancta
hinduistarum urbe Benares viri religiosi undis fluvii Gangis
usque colla fere immersi Solis "mortem" observaverunt:
![](../admin/rubricae/files/defectioSolis05.jpg)
Nonnullis autem locis, sicut hic, Sciamhaevi (Shanghai)
Sinarum, prospectum Solis deficientis obtexerunt nubes imberque:
![](../admin/rubricae/files/defectioSolis06.jpg)
Scripsit ANL
|