Annus
2 0 0 9


CIRCULOS IN FRUMENTIS NON A MARTIANIS NECESSE ESSE FACTOS

CIRCULOS IN FRUMENTIS NON TANTUM A MARTIANIS ESSE FACTOS

Halmaturi intoxicati

Mirissimae formae circuli in campis frumentariis facti, de quibus interdum nuntiatur de variis terris mundi, effectum non esse debent laboris cosmitarum (incolarum scilicet aliorum planetarum), certe non in casu Tasmaniae. Ut reppererunt enim imprimis agricolae huius insulae Australianae, circulos tales ibi faciunt... halmaturi, qui arva papaveris opiumici cum intrent, insania narcotica rapti saltus altissimos satis longo tempore in agris perficiant.

Agitur de genere huius mammalis marsupialis, quod nomine Aborigeno wallaby nuncupatur. Secundum prosecutorem generalem Tasmanensem Laram Giddings, in furore narcotico "saltant halmaturi usque altitudinem draconum volantium (Anglice kites)". Quae mulier addit halmaturos saltando saepe in se invicem infeliciter collisuros esse.

In agris Australiae coluntur circiter dimidia totius mundi pars papaveris opiumici, quod secundum legem distribuitur ad morphinam aliasque medicinas sedativas faciendas.

Scripsit ANL



Retro ad:

Novissima editio
Summum paginae