13Saltator gentis Neozelandensis Maori artem linguamque suam ostendit Venetiis,
![](../admin/rubricae/files/bbc28maja2009-13.jpg)
Saltator gentis Neozelandensis Maori artem linguamque suam
ostendit Venetiis, tempore Biennalis Artium Spectaculi.
![](../admin/rubricae/files/bbc28maja2009-14.jpg)
Histrio pantomimicus Hongkongiensis personam gerens militis
Sinensis commemorat victimas caedis reclamantium in Platea Pacis
Caelestis (Tiananmen), quae caedes ante viginti annos
perpetrata est.
![](../admin/rubricae/files/bbc28maja2009-15.jpg)
Ecce Mons Tractus Cacuminis (Zugspitze), altissimus
mons Germanorum. Ante tempus aestivum moles glaciata eius linteis
tegi debet, ne nimis caloribus glacies dissolvatur.
![](../admin/rubricae/files/bbc28maja2009-16.jpg)
Miles femina Boreocoreana vigiliam tenet ad ripam fluminis
Ialu, quod flumen est etiam limes Coreae et Sinicae provinciae
Liaoning.
![](../admin/rubricae/files/bbc28maja2009-17.jpg)
Rude donati (sive pensionarii) Londinenses se a regimine
"nudati" putant, pecunia scilicet sibi merita privati.
Quam ob rem nudi reclamant ante aedes parlamenti Britannorum.
![](../admin/rubricae/files/bbc28maja2009-18.jpg)
Britanni milites umbellis decidendo ad Caen Normannicam
Gallorum commemorant escensionem hic factam 4 Iunii anni 1944,
cui nomen secretum erat D-Day.
![](../admin/rubricae/files/bbc28maja2009-19.jpg)
Tali modo, sine necessitate tesseram emendi, tramine vehuntur
pueri Russi, se scilicet "agglutinando" ad caudam
currus finalis traminis.
Scripsit ANL
|