Annus
2 0 0 9


06Thousands of people had to flee their homes after the Australian states of Queensland and New South Wales suffered severe flooding.

Plura milia incolarum Australianae Terrae Reginensis (Queensland) et Novae Cymbriae Australis (New South Wales) domos relinquere debuerunt propter ingentem illuviem has duas civitates nuper vastantem.

Tumultus exorti sunt in Pentapotamia (Punjab) Indorum cum in templo Vindobonensi ductor religiosus Sikhorum occisus sit ab alio grege religioso eiusdem gentis sibi aemulanti.

Kavya Shivashankar Cansianae oppidi Olathe palmam cepit hornotini certaminis dictatorum linguae Americano-Anglicae (2009 Scripps National Spelling Bee) in agone finali sine ullo errore scribens verbum 'laodicean'.

Status periculi imminentis indictus est agminibus US-Americanis necnon sociis eorum Austrocoreanis post conamina nuclearia vicinae communisticae Coreae Borealis.

Ut mos est unius cuiusque anni, puellae secutae sunt frustum rotundum casei in colle Cooperiano (Cooper's Hill) comitatus Anglici Gloucestershire. Victricem evasit Neozelanda Michelle Kokiri at tres cursatrices in nosocomium propter pedum contusiones adduci debuerunt.

Lutz Giasa et Karl-Heinz Hiller, ambo viri Berolinenses, mystacia sua gloriose monstrant tempore certaminis mundani barbarum mystaciorumque (2009 World Beard and Moustache Championships) in urbe Alascana Anchorage habiti.

Homines transsexuales cibo se reficiunt tempore pompae hominum discriminationi sexuali reclamantium Guatemalopoli.

Scripsit ANL



Retro ad:

Novissima editio
Summum paginae