Andrei Badad lusor Philippinus repulsat pilam pinnatam (sive Badmintonianam) tempore certaminis Scyphi Sudirmaniani Cantoniae Sinarum.

Birotarius US-Americanus, Christian Vande Velde, dolenter cum birota decidit in 87. miliari cursurae montanae Circuitus Italiae (Giro d'Italia).

US-Americanus James Blake pilam ministrat in aemulatorem Ivo Karlovic Croatam tempore agonis teniludii Aperturae Matritensis (Madrid Open). Americanus victorem ludi discessit, licer tenilusori Croatico 26 pilas vincere contigerit.

Sedecim tantum annos nata puella Australiana Jessica Watson navi velifera in iter solitare profectura est circa terram.

Tali modo triumphant Manuciani Uniti (pedilusores scilicet manus Manchester United) postquam tertio sequente anno tropaeum Ligationis Primariae (Premier League) sibi arripuerant, in hornotino agone finali superantes Liverpoolanos.

Scripsit ANL