- Babae, qualis camelus! - cogitant sine dubio puellae sole corpora apricantes. - Babae, quales puellae! - cogitat sine dubio eques Dubaiensis (si eques nominari potest, nam minime equo vehitur). - Babae, qualis stulta gens humana! - cogitat sine dubio camelus. - Me consanguineum camelopardali putare! Pro diis immortalibus! Quid autem cogitat alter camelus alterave camela (nam imago non est satis magna, ut discerni possit)? Hoc pro dolor (aut deo gratia?) ignoramus.

Pulli halmaturi domi Annae Williams ad Melburniam Australorum tenentur postquam e flammis incendiorum ereptae erant.

Puella Syracusana ambulat inter statuas 'hominum sordidorum', quos sculpsit quidam sculptor Siculus, aut fortasse potius Campanensis, sorte sordium Neapoli valde dolens.

Ad domos agricolarum civitatis Indicae Maharashtra aqua est in urnis capitibus mulierum adpositis portanda. Qui iam est ergonomicus progressus haud parvus e tempore biblico, cum Rebecca umero urnam aquae portaret.

Piscatores Birmani in litore maris otio paululum frui possunt, donec cymbae eos piscatum adducturae advenient.

Hi autem operarii Pacchistanicae urbis Quetta in 'foro laboris' cotidie mane exspectant conductores, qui veniant munus quoddam sibi perficiendum offerentes.

Scripsit ANL