Texendo vitam totius vici monstraverunt quadraginta vetustiores mulieres-incolae Mersham ad Ashford Britannorum. Quod opus textile finire iis contigit demum post laborem 23 annorum.

In Armeniana tribu Ierosolimae honoratur 94. anniversarium 'holocausti Armenorum', id est necis centenarum milium civium Armenorum, quos occiderunt Turci.

In urbe Gacheon Coreae Meridionalis operarii negotiationis Ssangyong Motor tonsura radicita capitum reclamitant consiliis salaria sua ob crisin globalem diminutum iri.

Discipuli Vindobonenses reclamant autem consiliis regiminis quinque dies feriarum iis adimere.

Operarius inspicit fundamenta caeliscalpi, quod struendum sit in loco Turrium Geminarum, ubi olim, usque 11 diem Septembris 2001 anni, sedem habuit World Trade Center.

Sauciatum elephantem in nosocomium portare non est res facillima, ut hoc photographema monstrat. Animal in nosocomium therotrophi urbis Gauhati Indorum transportatur.

Autoplaustra-cisternae exercitus foederis NATO ad Pesavar Afghanorum flammis consumuntur post ictum rebellatorum gregis Taleban.

Scripsit ANL