STABULUM RED BULL-RENAULT PALMAM CEPIT CURRICULI F1 SHANGHAIENSIS

Cursura in imbre

Inopinate e curriculo Shanghaiensi Pretii Grandis Formulae Primae (F1) victores discesserunt gubernatores bolidum stabuli "Red Bull-Renault" - Sebastian Vettel (Germanus) et Mark Webber (Australianus). Numquam enim antea hoc stabulum palmam cuiusvis curriculi ceperat. Tertius demum ad metam pervenit Jenson Button (Britannus) manus "Brawn GP-Mercedes", qui in hornotino indice Pretii Grandis primum locum tenet.

Condiciones coeli erant vero horribiles: imbres ingentes irruerunt in regionem circa urbem Shanghai paululum ante initium curriculi et bolidas antecurrere debebat autucurrum vigilium securitatis, quod rarissime in orbe Formulae Primae fit. Certamen vero coepit demum post octo gyros, cum aura paululum melior facta sit ac vigiles securitatis iter relinquerint. Postea tamen imbres denuo gravescerunt, post ergo duodeviginti gyros autocurrum vigilum deinde ante bolidas apparuit.

Proxima fine septimanae gubernatores autobolidum Formulae Primae contra se certabunt Bahrainiae.

In hornotino indice optimorum gubernatorum palmam, ut diximus, tenet Button (cum 21 punctis), alterum locum Brasilianus (Brawn GP-Mercedes) Rubens Barrichello (cum 15 punctis), terium hodiernus victor Vettel (cum 10 punctis).

Scripsit ANL