01A seal concentrates as he performs at a Japanese aquarium in Hakone,
![](../admin/rubricae/files/bbc17marca2009-01.jpg)
Ecce phoce histrionem facit in aquario urbis Hakone Iaponum,
agens scilicet partem balneatoris, qui more Iaponico corpus
immergit aquis calidis.
![](../admin/rubricae/files/bbc17marca2009-02.jpg)
Mater hippopotama curat decem dies natum filium in
therotropheo civitatis Assam Indorum.
![](../admin/rubricae/files/bbc17marca2009-03.jpg)
Pyra manubalistarum ardet in urbe capitali Keniae, Nairobi.
Vigiles publici reppererunt hic ab anno 2007 quattuor milia
armorum ingivomorum, quae arma contra legem a civibus
possidebantur.
![](../admin/rubricae/files/bbc17marca2009-04.jpg)
Campio Kaio superat palaestritam Baruto in pugna gigantium (Iaponice
sumo) Osakae habita.
![](../admin/rubricae/files/bbc17marca2009-05.jpg)
In oceanario Iokohamiensi philotheorum animas attrahit raia,
quae ante multitudinem sardinarum hic in photographemate
monstratur.
![](../admin/rubricae/files/bbc17marca2009-06.jpg)
Neque nox adveniens finem ponere videtur ludis pilamalleatorum
in insula Lusitanica Madeira, licet undecim horas sine pausa ulla
tempore diei luserint.
![](../admin/rubricae/files/bbc17marca2009-07.jpg)
Pelicanus hic pauper purgatur a petroleo, quod nuper oras
insulae Australianae Moreton inquinavit.
![](../admin/rubricae/files/bbc17marca2009-08.jpg)
Vir Afghanus osculatur portam ante aram templi Hazrat Ali ad
urbem Mazar-i-Sharif, ubi milia peregrinatorum nunc adveniunt, ut
sollemnitatem religiosam novi anni (Navruz) rite
observent.
Scripsit ANL
|