Annus
2 0 0 9


Catholic priest numbers increase

Gregem presbyterorum increscere

Pontifici pridie Kalendas Martias traditus est liber, quo quotannis cognitiones de ecclesia catholica colliguntur. Ibi nuntiatur numerum presbyterorum paulatim post diuturnum decrementum increscere: hoc ab anno bismillesimo fieri coepit, cum CCCCV milia circiter presbyterorum circiter computabantur. Nunc CCCCVIII milia sacerdotum catholicorum toto in orbe operam dant, praecipue quod in Africa et Asia mirum incrementum referatur, maior viginti centesimis (20%).

Recentissimis lustris saeculi praeteriti pontifici magnae sollicitudini fuit vocationum decrementum, quod etiam nunc in Europa et in tota America permanet, ubi flagitium violentiae sexualis a presbyteris perpetratae existimationem ecclesiae Romanae graviter affecit. Eodem libro confirmatur sextus quisque terrae habitans se catholicum profiteri, id est mille centum septem et quadraginta miliones hominum.

Scripsit Herimannus Novocomensis



Retro ad:

Novissima editio
Summum paginae