GAZAE LEMNISCUS A IUDAEIS VEXATUR

Paucis ante diebus tregua finem cepit inter Israëlianos et Palaestinenses, et quidem iuxta hos numquam renouanda, ideo, quod Iudaei pactis non stetissent, quae conuenta erant mediatore Aegypto, ita ut, Iudaeis clausis omnibus transitibus, ne cibaria quidem nec medicamenta transferri possent et formaretur ueri nominis campus concentrationis operâ eorum, qui sibi adiudicant unicum ius passionis et exterminii tempore belli mundani alterius et plangunt se solos esse passos in Germanorum campo Auschwitz, in Polonica sito urbe Oświęcim.

Treguâ illâ finitâ, Palaestinenses aliquot iacula in partes Iudaicas quidem miserant, quibus suam exasperationem animi patefacerent, sed nullis caesis aut mortuis. Iudaei tamen hac occasione nacti sunt non solum eo fine, ut pacarent militiam nomine Hamas, sed etiam, ut uita ciuilis in Lemnisco non posset tolerari.

Prior enim assaltus, qui erat aëreus, effecit, ut ducenti uiginti quinque (225) Palaestinenses morerentur, quadringenti autem (400) uulnerarentur. Altero simili, qui die duodetrigesimo mensis Decembris exsecutus est, morti sunt 400 regionis Gazae incolae.

Dum tamen Israël se declarat esse in promptu copiis etiam terrestribus Gazam inuadere, a rectoribus aliarum nationum nihil fit, ut his stragibus obuietur, ne quidem a nouo Israële, quae sunt Americae Ciuitates Vnitae: non aliter, ceterum, quam paucis annis ante, cum Iudaei campum fugitiuorum in urbe Ienin distruxerant. Tunc – incredibile auditu pro omnibus nationibus, sed pro Iudaeis, nouis Übermenschen, res debita – ne Commissioni quidem Nationum Vnitarum licitum erat locum illum uisere.

In hac re Iudaei, magis quam Germani et Vcraini, sunt experti iam a tempore Vetere, postquam deleuerant Amalecitas, Ierichonienses aliosque – crudeliter non parcentes ne uirginibus quidem, mulieribus paruulisque –, qui ausi sunt illud facinus adscribere iussui Dei, quem tamen constat fuisse tunc creatorem et patrem etiam Amalecitarum, ut nunc Palaestinesium. – Horum ratione habitâ non est mirum militiam Arabicam nomine Hezbollah, quae in Libano manet, declarauisse promptam se esse ad bellum cum Iudaeis.

Scripsit Fr. Benedictus Huculak OFM