De caede Peshavare perpetrata

Duo homicidae sui interfectores Peshavare, in urbe Pacistaniae septemtrionalis, duodecim homines interfecit et quindecim vulneravit: adgressor sedem custodum publicorum pyrobolo percussit haud longe a statione exercitus Pacistani, tametsi severius invigilabatur ab auctoritatibus post cruentas caedes Jovis die in semptemtrionalibis provinciis factas. Etiam proxima meschita damnis affecta est; prope viam velut crater humi aspicitur. Recentissimae caedes factae sunt postquam gubernatores se Talibanos regrediendo compulisse proclamaverant. Peshavar crebrissimis impetibus iam diu affici solet: Jovis die puer occisus est, ante septimanam in nundinis quinquaginta insontes enecti sunt.

Mian Iftikhar, minister provinciae septemtrio - occidentalis, nullum timorem ostendens "nobis - inquit - persequendi sunt Talibani antequam percutiant: si tromocratas eorumque receptacula coniecerimus, talia facinora non amplius evenient." Apud Peshavarem, Lahore et Islamabadem stationes diurnae et nocturnae armatae in omnibus urbibus accessibus artius invigilant.

Scripsit Herimannus Novocomensis