MILITES NATO DIURNARIUM BRITANNUM LIBERAVERUNT
MILITES NATO DIURNARIUM BRITANNUM LIBERAVERUNT
Translator in pugna vitam amisit
Ictu nocturno peracto milites Foederis Atlantici (NATO)
diurnarium Britannum in Afganistania liberaverunt, qui praeterito
die Saturni captus erat a rebellatoribus islamistici motus
Taleban et ab iis ut obses in custodia habebatur.
Stephen Farrel, relator actorum US-Americanorum "New York
Times", die Saturni itinerabatur per septentrionalem plagam
Afganistaniae urbem Kunduz petens, ut investigaret casum
bombardationis ab aeroplanis NATO cisternae petroleariae, quo
actu plus quam centum homines (inter quos multae mulieres
puerique) occisi erant. Nunc patet bombardationem per errorem
perfici iussum esse a colonello quodam Germano.
Tempore itineris Talebani adorti sunt automobile diurnarii
Farrell, in capivitatem capientes ipsum necnon transaltorem eius
Afganum, nomine Sultan Munadi. Hic die Martis mane infeliciter
sclopetatione occisus est, cum milites NATOenses ictum in
rebellatores perfecissent, diurnarium Britannum liberaturi.
Scripsit Stanislaus Varsoviensis
|