SATELLES US-AMERICANUS ET RUSSICUS IN SE ILLISERUNT

Prima collisio cosmica

Primum post memoriam gentium supra terram in se invicem colliserunt duo satellites cosmici: US-Americanus satelles negotiationis Iridium ad iunctiones telecommunicativas efficiendas adhibitus necnon vetus satelles Russicus militaris, iam diu sine usu in orbita terrae relictus.

Secundum Administrationem US-Americanam Aeronauticam et Spatialem (NASA), ambo maxima velocitate per aethram currentes in se colliserunt altitudine 780 chiliometrorum super Siberia. Collisione effecta est nubes permagna fragminum metallorum, quae tamen aliis satellitibus at imprimis navibus cosmicis ac Internationali Stationi Cosmicae (ISS) periculi vix esse possit; orbita enim ISS 435 chiliometris humilior loci collisionis sit. Rebus ita stantibus, ponto "Discovery" verisimiliter iter novum ad ISS mense Februario faciet, consiliis veteribus minime mutatis.

Maxima pars fragminum amborum satelliltum comburenda a studiosis putantur proximis nonnnullis septimanis, cum athmosphaerae terrae appropinquant. Maxima fragmina a scientistis NASA iam observitantur; si necesse erit, et ISS et "Discovery" poterunt cursum sui mutare, ut haec fragmina in via evitent. Talem cursus deflectionem ISS iam octies in praeterito facere coacta erat.

Secundum NASA, ab anno 1957 circiter sex milia satelllitum missa sunt in orbitam terrae. Tria milia eorum adhuc operantur, altera sine usu relicta ut 'sordes cosmicae' terram circumvolant.

Scripsit ANL