De folle ovali et testibus

"Si grex Valliae (Wales) vicerit, ipse mihi meos testes resecabo!" inquit Geoff Huishin, iuvenis XXVI annos natus, coram sodalibus suis in vico Valliae Caerphilly ante certamen dilectissimae turmae folle ovali (rugby) ludentis contra Anglos. Qui, cum inopinate grex Valliae adversarios superasset, e stadio domum rediit: paulo post ad amicos suos se contulit, brevem tunicam Scotorum more (kilt) induens testesque suos cruentos in sacculo manu ferens. Quam celerrime in nosocomium transportatus, ob nimium sanguinem effusum fere vitam amisit: cui scrotum fictile sub pene consutum est. - HP

Scripsit Herimannus Novocomensis