Est insula inter Hiberniam ac Britanniam sita cui nomen nostris temporibus "Man" (Celtice "Mannin" vel "Ellan Vannin") et antiquitus Manavia seu (apud Plinium maiorem) Monapia. Quamquam Edwinus Saxonum rex Anglorum imperio subiecit insulam, per multa saecula sermone Celtico loquebantur insulani.
Anno autem p. Chr. n. 1974 Ned Madrell - ultimus homo cui patria erat ea lingua - mortuus est. Nunc in quadam schola quadraginta liberi sermone Manavico (ut ita dicam) pensis operam dant. Ei gregales qui canalem BBC Radio 4 accipere valent - non multi, haud dubie! - emissionem radiophonicam de hac re die 29o mensis Dec. hora 20o (8 pm) audire poterunt:

<http://www.bunscoill.iofm.net/bgcontents.htm>

<http://www.bbc.co.uk/voices/multilingual/manx.shtml>

Scripsit