Simia tramina curatura

Simiae speciei langur (nomen Linneanum Pygathrix nemaeus) munus mox erit defendere viatores traminum subterraneorum urbis capitalis Indiae New Delhi contra alias simiolas, quibus in cuniculos subterraneos aliquo ignoto modo pervenire contigit quaeque nunc currus hominum plenos adoriri nuntiantur necnon viatores abinde fugare - spripserunt die Mercurii acta diurna "The Hindustan Times". Administratores traminum negotium salario 6900 rupiarum (160 USD) praebituri sint langurwallahae, id est exercitatori langurum.

Langures, qui ad familiam macacarum pertinent, licet non tam magnae sint staturae (usque ad 70 cm longitudinis), valde timentur ab omnibus fere aliis generibus simiarum in subcontinente Indica habitantium.

Ante duos annos langur quidam iam a magistratibus adhibitus est, ut 60 simias fugaret, quae aedes commissionis electionum per tres menses occupaverant, irruentes in homines, furantes et delentes acta officialia. Etiam parlamentum Indiae olim officio subtili cuiusdam languris usus sit.

Scripsit ST