Casus sicut ex enchiridione iudicum rei
criminalis: sclopetator a biocolytis apprehensus, qui in
tumultuosa urbis via occiderat quinque fortuitas victimas. Adsunt
corpora delicti, arma, testes - res ad iudices tradi parata. Tunc
scaenam intrat pristinus investigator militaris Jack Reacher et
subito nihil plus est tam clare quam adhuc videbatur. De quo
investigatore auctor: Jack Reacher non est simplex iustus
heros, qui repugnet omnem auctoritatem quique in investigatione
rei interdum methodis aliquantulum rudibus utatur. Ex altera
parte, deest simul et aliquis eques errabundus iustitiam puram
caece assequens. Pro his duobus "deesse" tantopere,
credo, a lectoribus amatur.
Lee Child, One Shot. Bantam UK, 2005
Tony Hillerman, Sceletum
Anno 1956, super Magnis
Faucibus fluminis Colorado inter se colliserant duae aeronaves
vectoriae, deinde e reliquis navigiorum mirifice evanuit cista
pretiosorum adamantium. Dimidio fere saeculi postea unus eorum
casu inventus est occassione aliqucuius haud magni furti. Qualia
secreta qualiaque pericula dormiunt in visceribus Faucium
Magnarum? At quomodo haec cohaerent cum fabella ibi a vulgo
narrata de homine-sceleto? Novissima pars casuum locumtenentis*
Joe Leaphorn necnon servientis** Jim Chee e Navaho gentilibus
vigilibus oriundi.
Tony Hilermann natus est anno 1925 eiusque tota vita necnon
vocatio scribendi iunctae sunt cum Novo Mexico. A pueritia
effascinatus est a mundo, ubi valent mores gentium indiginearum
necnon prisca instituta Americanorum Fera Occidentalia petentium
- mundos scilicet quasi duos mundos in se cohibens, a se interdum
maxime distantes. Primam fabellam detectoriam de locumtenente
Leaphorn in lucem Hilerman edidit anno 1970 et nonnullos iam
annos postea a latere Leaphorn serviens Chee apparuit, qui alia,
Navahianis innata ratione scelestos assequens, valde centurioni
Leaphorn prodest. Certe plus quam capitaneus Hastings
investigatori Poirot.
* Anglice 'lieutenant'
** Anglice 'sergeant'
Tony Hillerman, The Sceleton Man. Leaphorn & Chee
Books, 2004
Casus sicut ex enchiridione iudicum rei
criminalis: sclopetator a biocolytis apprehensus, qui in
tumultuosa urbis via occiderat quinque fortuitas victimas. Adsunt
corpora delicti, arma, testes - res ad iudices tradi parata. Tunc
scaenam intrat pristinus investigator militaris Jack Reacher et
subito nihil plus est tam clare quam adhuc videbatur. De quo
investigatore auctor: Jack Reacher non est simplex iustus
heros, qui repugnet omnem auctoritatem quique in investigatione
rei interdum methodis aliquantulum rudibus utatur. Ex altera
parte, deest simul et aliquis eques errabundus iustitiam puram
caece assequens. Pro his duobus "deesse" tantopere,
credo, a lectoribus amatur.
Anno 1956, super Magnis
Faucibus fluminis Colorado inter se colliserant duae aeronaves
vectoriae, deinde e reliquis navigiorum mirifice evanuit cista
pretiosorum adamantium. Dimidio fere saeculi postea unus eorum
casu inventus est occassione aliqucuius haud magni furti. Qualia
secreta qualiaque pericula dormiunt in visceribus Faucium
Magnarum? At quomodo haec cohaerent cum fabella ibi a vulgo
narrata de homine-sceleto? Novissima pars casuum locumtenentis*
Joe Leaphorn necnon servientis** Jim Chee e Navaho gentilibus
vigilibus oriundi.
