PEMMA NATALICIUM

Di voluerunt ut pemma natalicium (vanocni moucnik), praeclaram scilicet illam tortam Moravianorum, tempore... Paschae advenientis AD 2006, per terras Bohemicas vagantes primum gustaremus.

Ingredientia pro 8 personis:

poma siccata necnon in sacharo condita (acini, dactyli, caricae, siccata armeniaca, in sacharo conditum corium arancii etc.) - 750 grammata

amygdala trita - 100 g

farina nucis Indicae (cocoinae) - 100 g

in grossas partes secata iuglans (nux Italica) - 50 g

farina subtiliter molita - 180 g

sacharum pulverizatum - 150 g

ova gallinacea - 4

corium tritum 1 mali citrei necnon 1 arancii

pulvis pistorius - 1 fasciculus

butyrum - 1/8 frusti

rhomium (sicera nautica) - ad libitum

Modus parandi:

1. Poma secamus minuatim, superaddimus amygdala trita, farinam nucis Indicae necnon secatam nucem iuglandis; haec omnia perfundimus rhomio et sinimus per totam noctem percolari.

2. Altero die subigimus mitificatum butyrum cum sacharo, deinde subigimus ova, admiscemus farinam cum pulvere pistorio, destillatam mixturam pomorum necnon tritum corium citrei et arancii. Haec omnia diligenter immiscemus.

3. Formam cinctorii apertilis (aut formam in pane escalptam) sternimus papyro tostario aut foliolo aluminoso et circumlinimus oleo. In formam massam infundimus, complanamus (i.e. in planitiem redigimus) et assamus lente calore 140 graduum Celsii usque ad duas horas.

4. Assatum pemma sinimus in forma refrigerari, deinde evertimus tollimusque papyrum et totum pemma phomio spargimus. Foliolo aluminoso infasciatus bene sapiet etiam post nonnullas septimanas.

Scripsit Dorothea & Stanislaus