Annus
2 0 0 6


Copadium venatorium

Copadium venatorium

Categoria: cibus carnalis
Tempus parandi: 45 minutae

ingredientia (4 personis destinata):
pro copadiis venatoriis

  • 4 copadia suilla
  • 1 cepa
  • 250 g amanitarum (Champignons)
  • 100 g lardi
  • 1/2 l cramum recens (Creme fraiche)
  • sal, piper, farina, oleum

pro pastâ globulorum

  • 500 g farinae laevis
  • 2 ova
  • ca. 1/8 l aquae
  • 1 cochlear salis
  • 1 frustum butyri, nucis magnitudine

Sic parato

Copadia pulsato, sale et pipere condîto, unum latus farinâ inspergito. Oleum in sartagine calefacito et copadiorum latera farinâ inspersa imponito. Carnem assato, dum fucescat, e sartagine eximito et loco ponito, ubi calor servatur. Cepam tessellatim concidito, lardum in taenias subtiles secato, cepae lardique frustula communiter torreto, dum crustâ obducantur. Interim amanitas in folia dissecato et in sartagine assato. Cramum recens rudiculâ circumagitandâ intermisceto, liquamen sale atque pipere condîto. Curato, ut copadia adhuc per 5 minutas assentur liquamini indita.

Additamenta sint globuli („Nockerln"): Farinam, ova, aquam, salem rudiculâ ita circumagitato, ut fiat pasta solida; quam per cribrum globularium terito, ut cadat in aquam salitam ebullientem. Aquam rudicula peragito et coquito, dum omnes globuli ascenderint (circiter per 5 minutas). Globulos siccato iisdemque micam butyri imponito.

BENE SAPIAT TIBI!

 

Hoc praeceptum coquinarium in interreti inventum Latine reddidit Nicolaus Groß praepositus Sedis interretialis, cui nomen est LEO LATINUS: ///www.leolatinus.com/

Scripsit Nicolaus Gross



Retro ad:

Novissima editio
Summum paginae