TANDEM CUM MACHINIS SCIEMUS LOQUI!

Neurocubis inventis intramus phasin, ubi oganismi cybernetici sive cyborgi creari possint.

In ultimo fasciculo actorum "New Scientist" divulgatus est nuntius de inventione a scientiosis universitatum civitatis Illinois (USA) necnon urbis Paduae (Italia) neurocuborum [Anglice: neurochip], qui melius communicare possint cum neuronibus, nam 'lingua' melius ab iis nota utuntur: iontibus natrii. Significationem inventi explicat, ab actis "Dziennik" percontatus professor Ryszard Tadeusiewicz, rei neuronicae peritus Cracoviensis.

DZIENNIK: Scientistae per multos iam annos conabantur copulare hominem et machinam. Erit id iis nunc facilius?

TADEUSIEWICZ: Neurocubi sunt certe primus gradus ad hanc rem obtinendam, aperit enim scientiosis omnino novas possibilitates gerendi.

DZIENNIK: Poterimusne neurocubis uti ad prostheses cerebri evolvendas?

TADEUSIEWICZ: Ita, sed non proximis temporibus, fortasse demum post nonnulla decennia annorum. Copulatio elementorum electronicorum (retium neuronum) cum elementis biologicis potest valde adiiuvare valores intellectuales nostri cerebri. Si insuper tale implantum homini rete neoronum possit uti materia futuri heredis interreti, aditus hominis in scientiam totius mundi extemplo peragi possit.

DZIENNIK: Hoc maxime mutabit totum mundum nostrum...

TADEUSIEWICZ: Imprimis mutabit dimensionem potestatis hominum. Ita, dicamus, mercatori cuidam consilium maximi momenti sit capiendum. Nunc de hac re cogitare debeat simul fontes externales nuntiorum ei necessariorum quaerens, quod tantum longiorem ac difficiliorem operam reddit. Mercator futurus tamen sentiet societatem suam totam tamquam carnem ipsius.

DZIENNIK: Haec visio tamen monstruosa est!

TADEUSIEWICZ: Non necesse. Monstruosa esset tantum, si ab ea se liberare mercator nesciret, qui non est hic casus. At bonitas rei permagna - similis aditus in totius mundi scientiam prodesset e.gr. medicis celerrime diagnosin morbi invenire.

Scripsit Stanislaus