Annus
2 0 0 6


MUNDUS BESTIARUM MODERNUS

MUNDUS BESTIARUM MODERNUS

Phoenicopteri cinaedi

In quodam viridario avium Britannico duo phoenicopteri cinaedici tribus ôvîs phoenicopterorum heterosexualium surreptîs incubuerunt et prolem exclusam educaverunt. Parentes cinaedi iam ex 5 annis unâ convivunt feliciter.

Londinio ex urbe – Nigellus Jarrett curator bestiarius cuiusdam viridarii avium in parte Angliae australi-occidentali siti diurnariis illius „Daily Mail" narrat haec: „Carolus et Ferdinandus ex quinque iam annis amore coniugali inter se coniuncti sunt". Ambos phoenicopteros iam tres pullos educasse magnâ cum caritate et teneritudine. Haud insolitam quidem esse bestiarum homosexualitatem, sed hunc esse primum casum nôtum homosexualium phoenicopterorum.


Phoenicopteri (Francofurtenses): "Per vitae partem reliquam unâ vivent"

Nigellus Jarrett valdê gloriatur de suîs phoenicopterîs extraordina- riîs.

Generaliter quidem non esse insolitam bestiarum captivarum homosexualitatem. At hunc esse primum casum huiusmodi in phoenicopteris observatus.

Praeterea suos phoenicopteros iam ex quinque annis coniunctos esse fidelitate coniugali – hoc quoque est extraordinarium, nam phoenicopteros solent quotannîs quaerere novam amationem.

Tamen hoc par amantium nequaquam laborat taedio temporis: Omni tempore copulationis iidem phoenicopteri inter se amantes invicem nuptias petunt saltatione huic generi avium typicâ, cuius partes insignes sunt assidua pennarum purgatio et ambulatio dignissima. "Qui" Nigellus inquit, "certê per partem vitae suae reliquam unâ vivent".

Hanc relationem d.04. m.Febr. a.2006 in periodico „Der Spiegel" inventam e Theodisco sermone in Latinum convertit Nicolaus Groß praeceptor Sedis interretialis domûsque editoriae, quae appellatur LEO LATINUS: ///www.leolatinus.com/

Scripsit Nicolaus Gross



Retro ad:

Novissima editio
Summum paginae