E comparatione pretiorum commoditiorum, qualia scilicet fuerint ultimis diebus negotiorum in foris internationalibus annorum 2004 et 2005 (vide tabellam infra) patet maximum motrum incrementi mundani ultimi anni desiderium erat metallorum in machinas electronicas fabricando necnon aedificia industrialia struendo necessariorum, inter quae imprimis cuprum (culmina nova historica unaquoque fere altera septimana nunc attingens), sed etiam zincum (immo citius quam cuprum hoc ultimo anno crevit), quod metallum maximi momenti est in galvanisatione fistularum ferrearum. Stannum econtra decrescit, nam maximi ei usus sit in galvanizatione pyxidum escariarum, hodierno die minus minusque in usu (materiis plasticeis substitutis).

Combustiva crescebant, crescunt crescereque pergent ob infinitum appetitum Sinarum necnon Indorum. Praeter petroleum anno 2005 primum a longissimo tempore videbatur incrementum pretii petrogasii, cuisu tamen maximae copiae praeter bursas traduntur. Ob caritatem petrolei crescunt et alia ignis alimenta, sicut e.g. carbo.

Metalla pretiosa fere omnia culmina attingent ultimorum 15-20 annorum; desiderio eorum analytici explanant diffidia pecuniae collocatorum in nummos maximi in mundo momenti; re vera ultimis decem nisi plus annis deesse videbatur sola in orbe terrarum moneta, quae tutum incrementum colllocatoribus praeberet: et dollarium, et euron et yen habebant ultimo decennio suos bonas et certe non bonas dies. Immo magis locupletes ad metalla pretiosa emenda convertunt, cum syngraphae societatum commercialium cadere soleant - ab hac re tamen procul anno ultimo tenebamur: omnia scilicet fere indicia bursarum mundanorum hoc tempore invaluerunt, ductoribus ICEX-15 Islandorum necnon ISE National-100 Turcorum (ambo circa 60%), pleribusque foris maximi in mundo momenti etiam, licet modicius, crescentibus (DJIA Americanotum tamen stagnanti incremento 0.6%).

Inter cibos omnes fere analytici praedicunt gravia decrementa pretiorum escae ob negotiationes WTO bene progredientes; comparatio pretiorum ultimorum duorum annorum hanc fidem minime probant - e.g. caffea "Robusta" maxime invalenscens omnium commoditiorum internationaliter notatorum ultimo anno erat. Maxima copia ciborum plus minusve modice creverunt. Periti exspectant nonnullum maius desiderium porcinae et bovinae, nam gripa avium altiliophagorum appetitos ad alias carnes vertat.

Scripsit Nanompouphos