PROGNOSIS INCREMENTI MUNDANI OECD

Associatio Oeconomicae Cooperationi et Incremento Fovendis (OECD) putat incrementum fructus terrarum mundi annis 2005-2006 maius fore antea expectato - nuntiavit die 25 Novembris sedes diurnaria Bloomberg. Causa principalis maioris incrementi minora opinatis damna sint ob cito crescentem pretium petrolei; hoc nunc in medium 16% minus est culminis 30 Augusti, cum dolium 70.85 USD tradebatur.

Fructus 30 terrarum-membrorum OECD crescet proximo anno gradu 2.9% et non, sicut adhuc putabatur, 2.8%, expansio eorum oeconomica crescet in 2006 anno 2.7% (loco expectati 2.6%) et in 2007 anno gradu 2.9%.

Progressus maior opinato verisimiliter fiet in Unione Europaea, Iaponia et USA. Primum ab anno 2000 simul in his tribus regionibus maxime in orbe terrarum industrializatis faenor argentarii supremi proximo verisimiliter crescet, quod effectus fuerit incrementi oeconomiae, quod nummum nationalem saepissime inflat.

Citissime harum trium regionum, sicut et in praeteritis annis, oeconomia USA evolvetur, gradu scilicet 3.5% (hoc anno - 3.6%).

Scripsit Nanompouphos