Annus
2 0 0 6


ddd

De presbyterorum caelibatu dubitatur

Claudius Hummes, Sancti Pauli archiespiscopus Brasiliensis nuper a pontifice Romano praefectus cleri congregationis creatus, colloquium cum diurnario actorum diurnorum "Estrado do S. Paulo'' habens de presbyterorum caelibatu ecclesiae catholicae diutius disputandum esse dixit: caelibes catholicorum historiae et cultui pertinere sed ecclesiae de re cogitare licere, quod caelibatus non dogma sit, verum regula disciplinae. Commemoravit archiepiscopus nonnullos apostolos matrimonio iunctos esse atque nuptiarum interdictionem post saecula a sacerdotii institutione impositam: ecclesiam mutationibus necessariis aptam esse. Primum disputandum iterum atque iterum, mentem autem ad vocationum deminutionem vergendam.

De presbyteris puerorum amantibus "vel unum casum maximae curae esse, praesertim ad victimas tutandas"; hypocritae tamen esse iudicium idem de omnibus presbyteris pronuntiare, cum fere omnes sacerdotes vitio isto careant. "Paedophilia non tantum ad presbyteros - inquit - verum etiam ad totum humanum consortium ipsasque familias spectat".

Recenter pontifex Benedictus XVI presbyterorum caelibatum doctrinae ecclesiae proprium esse confirmavit.

Scripsit Herimannus Novocomensis



Retro ad:

Novissima editio
Summum paginae