Nox tristis Sinis

Celebrationes decembrinae non desinunt deformari calamitatibus sive intra orbem christianum sive extra accidentibus, quum ne in Sinis quidem, haud christiana civitate, parceatur nunc festis quae in straginem exeunt, nam nuper iuventus Sinensis incepit celebrare Natales Domini ferias, -haud scilicet ob religionem, sed lasciviae studio-, et convenire in loca non sancta, sacratasque Baccho frequentare aliquas tabernas, quarum una, in urbe Zhongshan provinciae meridionalis Guangdong, dum a tabernario distribuebantur per iocum donna praesentibus, formidabile incendio ex incuria facto, exarsit hodie, 26 iuvenibus, qui aderant, inter effrenatas pereuntibus flammas.

Scripsit Carolus Petreius