Responsor ad BBC James Cove aestimat alienum
hoc temperamentum hiemis 2006-2007 in Europa viridis.

Plures semitae narticis exercendi gratia
inutiles factae sunt propter absentiam nivis.

Stationes hominum nartici addictorum per Alpes magis magisque in dies anxiae sunt prout praesens absentia nivis minatur desideratis natalium vacationum temporibus. Autumnus in peioribus unquam relatis fuisse dicitur, alta temperatione, rara nive, multaque voluptuaria loca nartici praesertim dicata debuerunt proferre suam aperiendi diem, dum cursus et concursus annui clauduntur deficiente nive, ac milliens mille studentium nartici ad aperta loca ruunt, completis semitibus agmine, qui fortasse nolent frequentare ista loca rursus per Navitatem et Annum Novum, quae res grandis pecuniarum amisarum et munerum vacantium causa erit. Nonnullorum opinione futuris annis haec ruinosa calefactio mundi incrementum habebit. Quae res magno timore afficit omnes, ne graviores mutationes ex consuetudine caeli ad mutandas naturas perveniant. Animalia Russica, exempli gratia, in silva degentia, nesciunt quod sit hoc anni tempus, hibernandique morem contemnunt. Apud Moskoviam hiems sine nive semi hiems est. Attamen in altissimis Alpium iugis, qua quondam transivit Hannibal, antiquo more ningit; friget ubique; est autem apud Hispanos principium frigoris et Nativitatis officia iam iamque venire sentiuntur. Et in aliis terrae regionibus, ut in Colombia, in Andibus, tempora nimis variabliter se habent, cum pluvia succedat torrentibus solibus nullo transitu facto. 17-12-06