Annus
2 0 0 6


Protesters set up camp in Beirut

De Beryti intercessionibus

Octingenta millia partis Hezbollah fautorum - hoc numerum astynomorum nuntii rettulerunt - Veneris die noctuque Beryti fora viasque occupant, rectores postulantes ut officio se abdicent, adfirmantes se a reclamationibus minime destituros esse, donec propositum suum adsequantur: corruptum atque minime legitimum regimen esse, ubi plures sellae Hezbollah legatis contingant. Tabernacula ante regiminis palatia collocata sunt, cibariis et fidibus allatis, ut diu et iucunde reclamantes permanere pergant.

Cum minister primarius Fouad Siniora negavit se ob intercessiones officio abdicaturum esse et libertatem et democratiam Libani periclitari affirmavit, tum nuntius praesidentis USAe Thomas Casey Syrorum et Persarum rectores reclamationes suscitavisse dixit, ut regimen a populo legitime delectum everteretur. Syrorum copiis mense Februario anni MMV domum revertendum fuit, postquam minister primarius Rafik Hariri interfectus est; sed rex Syrorum hodie a Libanensium rectoribus incusatur recentis ministri Petri Gemayel necis.

Scripsit Herimannus Novocomensis



Retro ad:

Novissima editio
Summum paginae