Australienses Timorem petentes

Primi 150 milites Australienses advolaverunt die Iovis in Dili, urbem capitalem Timoris Orientalis, pacis restituendae causa. A tribus enim diebus pugnae hic geruntur inter copias regiminis praesidentis Xanana Gusmao et circa 600 rebellatores duce praefecto maiore Alfredo Reinaldo. Varii fontes varium numerum victimarum adnuntiant - secundum officinam diurnariam DPA solo die Iovis circa 20 homines in pugnis vitam amiserunt.

150 Australienses, qui imprimis aeriportum Dilensem occupaverint, primi sint legionis 1300 militum huius terrae, qui mox - fortasse iam die Veneris - adventuri putantur in Timorem - hanc parvam rem publicam Insularum Sundanarum Minorum, quae modo anno 1999 independentiam ab occupatoribus Indonesianis, Nationibus Unitis huic rei adiuvantibus, pronuntiavit. Minores cohortes bicolytarum militarium - quorum omnis circa 150 viros contineat - pollicitae sunt huc mittere Nova Zelandia, Malesia et Portugalia - haec ultima a saeculo XVI usque ad annum 1975 Timorem ut coloniam sui tenebat.

Rebellatores a Reinaldo ducti maiores stipendias poposcerint necnon reclament corruptelae inter praefectos militum. Rebellio iam mense Martii crescere coepit, nullis tamen adhuc pugnis sanguineis cum copiis regiminis - quae non multo maiores rebellatoribus, nam circa 800 militum numerantes sint - peractis.

Scripsit Nanompouphos