De caede militum Italiae in Afganistania

Duo vehicula militum plenis, qui per insulam Kabul Musay Valley appellatam ad meridiem spectantem peragrantes vigilabant, Veneris die ingenti diruptione percussi sunt: sex ex duodecim milites Italici sauciati et mox in nosocomium advecti sunt, ubi duo animam efflaverunt. Qui ambo fere XXX annos nati expeditioni ab ONU anno bismillesimo et primo deliberatae ad pacem in Afganistania restituendam intererant: alter Verona, alter ab Etruria sua sponte eo profecti erant, nam nullus obstringens delectus in Italia habetur.

Reputant investigatores ex longinquo homicidas pyroboli diruptionem excitavisse. Sunt qui censeant novissimos impetus in milites Italicos propterea factos esse, ut moderatores qui post paucos dies, comitiis modo habitis, rerum potituri sint copias ex Iraquia et Afganistania quam celerrime domum revocent; alii contra scelus hoc sine ullo discrimine contra omnes manipulos externos perpetratum esse, non in solos Italicos.

Scripsit Herimannus Novocomensis