Hierosolyma mox dividenda?

Israhel ipse dimetietur ante annum 2010 fines suas cum Autonomia Palaestina, si regimen Palaestinorum de hac re cum Israhelis una cooperari noluerit - dixit die Iovis in oratione inaugurali coram parlamento modo electus minister primarius Israhelianus Ehud Olmert. Eodem die inofficialiter divulgatus est nuntius de consiliis regiminis urbem principalem Hierosolymam dividendam in partes Iudaeam et Arabicam.

Secundum consilia regiminis, Arabica pars continebit ab Arabis inhabitatas tribus orientales Hierosolymae. Urbi Veteri, cum locis sacris Iudaeorum, Musulmanorum necnon Christianorum atribuetur status specialis, de facto tamen remanebit ipsa in parte Israheliano; si necesse erit murum separationis - qui murus praeter Hierosolymam ubique iam fere ambo nationes dividit - etiam per urbem capitalem ducere, Urbs Vetus separabitur omnino a tribubus Arabis cedendis.

Incepta regiminis divulgavit unus auctorum consiliorum divisionis Otniel Schneller, parlamentarius factionis regiae Kadima. Ut putant rerum Proximi Orientis periti, cooperatio de futuris finibus delineandis inter Israhelianos et Palaestinos fieri non potest, donec Autonomia Palaestina regetur a fundamentalistica islamica factione Hamas, quae negat recognoscere Israhel ut legitimam civitatem. At haec factio, quae modo suffragiorum parlamentariorum victor discessit, regenda est hanc terram saltem ad finem anni 2009. Rebus ita stantibus sacra urbs trium religionum verisimiliter mox re vera dividetur.

Scripsit Nanompoufos